Ulluunerani paaqqinnittarfiit meeqqallu paarineqartartut amerlassusaat
2012 aallartilaartoq Kalaallit Nunaanni meeraaqqeriviit 23-iupput, meeqqeriviit 36-iullutik kiisalu meeqqeriviit marluiit 38-iullutik. Taakku saniatigut angerlarsimaffinni paaqqinniffiit kommunit ingerlataat 50-iupput. Taakku saniatigut meeqqeriveqarpoq namminersortunik tallimanik Kommuneqarfik Sermersuummi tamarmik inissisimasut.